 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
«Stračana...»
«Stračana...»
«Stračana...» –
Nadpis na kožnym cetłiku.
Z pamiaćciu
Śpiačaju
Spadčynu
Nie źbierahłi my cełaju.
Komin nad zrubam z płastyku
Toić ciapło niaščyraje.
Z płastyku navat łastaŭki –
Vymierłi niedzie ŭ vyrai.
Hmachi da chmar budujučy,
Nie źbierahłi my cerkaŭku...
Skiemim, maŭlaŭ, u budučym
I pa muzejnym cetłiku.
Praŭdy śviatoj supolnicy –
Knihi Skaryny, Budnaha,
Kryž Jefrasińni Połackaj...
«Stračana...»
«Źnikła...»
«Zhublena...»
Byccam drabniutkaja mačyna,
By kałasok apošni,
Zhublena pieśnia matčyna
Razam ź siarpom na požni.
Stračany prodkaŭ zvyčai.
Pniecca miaščanstva, choć treśni:
«Žyćmiem, maŭlaŭ, pazyčanym,
Kazkaj čužoj i pieśniaj!»
A pa-nad štučnym pradzivam
Mahnitafonnaj stužki
Mova dalokich pradziedaŭ
Prosicca ŭ našy dušy!
Tolki dušy ni kałiva
Tut, dzie pad škłom raśpiaty
Orden i nož Kupałavy –
Strašnyja ekspanaty.
Hid mulažy nachvalvaje,
I fotaŭspyška błiskaje.
Muzykaj pachavalnaju
Tut pałanez Ahinskaha.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
